ಕರೆಜ್ಮಾಚ್ಯಾ ಕಾಳಾರ್ ಇಗರ್ಜೆ ವಾಡ್ಯಾ ಥಾವ್ನ್ ಆಶ್ರಾಮಚಿ ಭೆಟ್

ಹ್ಯಾಚ್ಚ್ ಮಾರ್ಚ್ ಮ್ಹಹಿನ್ಯಾಚ್ಯಾ 16 ತಾರಿಕೆರ್, ಇಗರ್ಜೆ ವಾಡ್ಯಾಚಾ 33 ಸಾಂದ್ಯಾನಿಂ, ಗುರುಪುರ ಕೈಕಂಬ ಆಸ್ಚ್ಯಾ 'ಜೀವನ್ ದಾನ್ ' ಚೆಡ್ವಾಂ ಭುರ್ಗ್ಯಾಂಚಾ ಆಶ್ರಮಾಚಿ ಭೆಟ್ ಕೆಲಿ.

ಧನ್ಪಾರಾಂ 2.45 ವ್ಹರಾರ್ ದೆರೆಬೈಲ್ ಥಾವ್ನ್ ಭಾಯ್ರ್ ಸರ್ನ್, ಸಾಂಜೆರ್ 3.30 ವ್ಹರಾರ್ ಆಶ್ರಮಾಕ್ ಪಾವ್ಲ್ಯಾಂವ್. ಆಶ್ರಮಾಚ್ಯಾ ಸಿಸ್ಟರಾನಿಂ ಆಮ್ಕಾಂ ಮೊಗಾಚೊ ಯೆವ್ಕಾರ್ ದಿಲೊ. ಥೈಂಸರ್ ಆಸ್ಚ್ಯಾ ಭುರ್ಗ್ಯಾಂಕ್ ಪರೀಕ್ಷೆಚೊ ಕಾಳ್ ಜಾಲ್ಲ್ಯಾನ್ ಏಕ್ ಭೋವ್ ಮಟ್ವೆಂ ಕಾರ್ಯಕ್ರಮ್ ಆಮಿ ಆಯೋಜಿತ್ ಕೆಲ್ಲೆಂ.ಸುರ್ವೆಚ್ಯಾ ಪ್ರಾರ್ಥನ್ ಗೀತಾ ಉಪ್ರಾಂತ್ ಶ್ರೀಮತಿ ಜೇನ್ ಮಚಾದೊ,ಶ್ರೀಮತಿ ಅನೂಶಾ ಮಚಾದೊ, ಶ್ರೀಮತಿ ಕ್ಯಾರೊಲಿನ್ ಕೊನ್ಸೆಸ್ಸೋ, ಆನಿಂ ಕುಮಾರಿ ಡೆಜ್ಮಾ ಫೆರ್ನಾಂಡಿಸ್,ಹಾಣಿಂ ಆಪ್ಲ್ಯಾ ಸುಮಧುರ್ ತಾಳ್ಯಾಂನಿಂ ಗಿತಾಂ ಗಾವ್ನ್ ಸರ್ವಾಂಕ್ ಧಾದೊಶಿ ಕೆಲೆಂ. ಶ್ರೀಮತಿ ಸಬಿತಾ ಫೆರ್ನಾಂಡಿಸ್, ಆನಿಂ ಶ್ರೀಮತಿ ಫ್ಲೋರಿನ್ ಫಿಗ್ರೇಡಾ ಹಾಣಿಂ ಆಪ್ಲೊ ಆಪುರ್ಬಾಯೆಚೊ ನಾಚ್ ಪ್ರದರ್ಶಿತ್ ಕೆಲೊ. ಆಶ್ರಮಾಚಾ ಭುರ್ಗ್ಯಾನಿಂ ಆಪ್ಲ್ಯಾ ನಾಚಾ ದ್ವಾರಿಂ ಹಾಜರ್ ಆಸ್ ಲ್ಲ್ಯಾಂಚಿಂ ಮ್ಹನಾಂ ಧಾದೊಶಿ ಕೆಲಿಂ. ಗುರ್ಕಾರ್ನ್ ಶ್ರೀಮತಿ ಕ್ಲಾರಾ ಮಿರಾಂದಾನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಶ್ರೀಮಾನ್ ವಿಕ್ಟರ್ ಮಿರಂದಾನ್ ಸಗ್ಳೆo  ಕಾರ್ಯೆo ಆಪುರ್ಬಾಯೆನ್ ಚಲವ್ನ್ ವೆಲೆo. ವಾಡ್ಯಾಗಾರಾನಿಂ ದಾನಾ ರೂಪಾರ್ ಹಾಡ್ಲೆಲಿ ಖಾಣಾ ವೊರ್ವಿ, ತಾಂದುಳ್, ತೇಲ್, ಆನಿಂ ಜಮಾಯಿಲ್ಲೊ ಐವಜ್ ₹ 36,500,ಸಿಸ್ಟರಾಂಕ್ ಹಸ್ತಾಂತರ್ ಕೆಲೊ. ಆಶ್ರಮಾಚ್ಯಾ ಸರ್ವ್ ನಿವಾಸಿಂ ಸಾಂಗಾತಾ ಫಳಾರ್ ಆನಿಂ ಥಂಡ್ ಪೀವನ್ ಸೆವ್ತಾಚ್ಚ್, ಆಮಿ ಪಾಟಿಂ ಪರ್ತಾಲ್ಯಾಂವ್.