ಶಿಕ್ಪಾ ಆಯೋಗ್ ಆಯೋಜಿತ್ " ಶಿಕ್ಷಕಾಂಚೊ ದೀಸ್ "

ಶಿಕ್ಪಾ ಆಯೋಗ್ ಆಯೋಜಿತ್ " ಶಿಕ್ಷಕಾಂಚೊ ದೀಸ್ "

2024 ಸಪ್ಟೆಂಬರಾಚಿ ತಾರೀಕ್ 1,  ಭಾಗೆವಂತ್ ಸೊಡ್ವೊಣ್ದಾರಾಚಿ ಫಿರ್ಗಜ್, ದೆರೆಬಯ್ಲ್,  ಬ್ಯಾಂಕ್ವೆಟ್ ಹೊಲಾಂತ್  ಸಕಾಳಿಂ 10:30  ವರಾರ್  ಶಿಕ್ಷಕಾಂಚೊ ದೀಸ್  ಆಚರ್ಸುಂಚ್ಯಾಕ್ , ಫಿರ್ಗಜಿಚಿಂ ನಿವೃತ್ತ್ ತಶೆಂ  ಪ್ರಸ್ತುತ್  ವಾವ್ರ್  ಕರ್ಚಿಂ ಶಿಕ್ಷಕಾಂ ಸಾಂಗಾತಾ ಮೆಳ್ಳಿಂ.

ಪ್ರೀಮಲ್ ಆನಿ ಪಂಗ್ಡಾನ್  ಪ್ರಾರ್ಥನ್ ಗಿತಾ ಸವೆಂ ಕಾರ್ಯಾಕ್  ಸುರ್ವಾತ್ ದಿಲಿ.
ವಿಗಾರ್ ಬಾಪ್ ದೊ. ಜೋಸೆಫ್ ಮಾರ್ಟಿಸ್,  ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಶ್ರೀಮತಿ ಶೀಲಾ ಡಿಸೊಜಾ, ಕಾರ್ಯದರ್ಶಿ ಶ್ರೀ ಡೆನ್ಜಿಲ್ ಪಿಂಟೊ,  21 ಆಯೋಗ್ ಸಂಯೋಜಕ್ ಶ್ರೀ ಅನಿಲ್ ಪತ್ರಾವೊ,  ಶಿಕ್ಪಾ ಆಯೋಗ್  ಸಂಚಾಲಕ್ ಶ್ರೀಮತಿ ಫೆಲ್ಸಿ ಲೋಬೊ ಹಾಣಿಂ ವೆದಿ ಸೊಭಯ್ಲಿ.
ಫಿರ್ಗಜೆಂತ್ಲ್ಯಾ  ನಿವೃತ್ತ್ ಶಿಕ್ಷಕಾಂಕ್  ಫುಲ್ ಆನಿ ಕಾಣಿಕ್ ಅರ್ಪುನ್ ವಿಗಾರ್ ಬಾಪಾಂನಿ ಮಾನ್ ಕೆಲೊ.

ಸೆಮಿನರಿಸ್ತಾಂಕ್  ತರ್ಭೆತ್ ಕರ್ಚಿ ವಿಗಾರ್ ಬಾಪಾಂಚಿ ಸೆವಾ ಮಾನುನ್ ಘೆವ್ನ್  ತಾಂಕಾಂ  ಶಿಕ್ಪಾ ಆಯೋಗಾನ್,  ಶೆಲೊ, ಫುಲಾಂ ಆನಿ  ಫಳಾಂ ಅರ್ಪುನ್  ಸನ್ಮಾನ್ ಕೆಲೊ.
ಹಾಜರ್ ಆಸ್ ಲ್ಲ್ಯಾ ಸರ್ವ್  ಶಿಕ್ಷಕಾಂಕ್ ಫುಲಾಚೊ  ಮಾನ್ ಅರ್ಪುನ್,  ಶಿಕ್ಷಕಾಂಚಿ ಸೆವಾ ವಾಖಣುನ್  ವಿಗಾರ್ ಬಾಪಾಂನಿ  ಜೊಕ್ತೊ ಸಂದೇಶ್ ಪಾಠಯ್ಲೊ.  ಸಾಮಾಜೆಚ್ಯಾ ನಾಗರಿಕಾಂಚೊ ಫುಡಾರ್ ರಚ್ಪಿ ಶಿಲ್ಪಿ ಜಾವ್ನಾಸ್ಚ್ಯಾ  ಶಿಕ್ಷಕಾಂನಿ  ಪ್ರಸ್ತುತ್ ಸಾಮಾಜೆಂತ್  ಫುಡ್ ಕರ್ಚ್ಯಾ  ವಿಭಿನ್ನ್ ಪಂಥಾಹ್ವಾನಾಂ ಮಧೆಂಯ್,  ತಾಂಚ್ಯಾ ಮಿಸಾವಾಂತ್  ತೆ ಪಾಟಿಂ ಪಡೊವ್ನಾಂತ್ ಮ್ಹಣ್  ಶಾಭಾಸ್ಕಿ  ಪಾಠವ್ನ್, ಬರೆಂ ಮಾಗ್ಲೆಂ.

ಶ್ರೀಮತಿ ಲಿನ್ಶಾ ಮಾರ್ಟಿಸ್ ಹಿಣೆಂ  ತರ್ಬೆತ್ ಕೆಲ್ಲ್ಯಾ , ಭುರ್ಗ್ಯಾಂನಿ  ಶಿಕ್ಷಕಾಂಕ್ ಉಲ್ಲಾಸುನ್  ಗೀತ್ ಗಾಯ್ಲೆಂ.
ಲೆನ್ ಆನಿ ಪಂಗ್ಡಾನ್  ಸೊಭಿತ್ ನಾಚ್  ಸಾದರ್ ಕೆಲೊ.
ಸಂಗೀತ್ ಮೆಸ್ತ್ರಿ ಆಲ್ವಿನ್, ಹಾಣಿಂ ಮಧುರ್ ಗಿತಾ ದ್ವಾರಿಂ  ಶಿಕ್ಷಕಾಂಕ್ ಉಲ್ಲಾಸಿಲೆಂ. ಶ್ರೀಮತಿ ಮರ್ಲಿನ್ ಮಸ್ಕರೇನ್ಹಸಾನ್  ಕವಿತಾ ವಾಚನ್ ಕೆಲಿ.
ಶ್ರೀಮತಿ ಪ್ರಮೀಳಾ ಫುರ್ಟಾಡೊ  ಹಿಣೆಂ  ಹೌಸಿ ಹೌಸಿ ಖೆಳ್ ಚಲವ್ನ್ ವೆಲೆ.
ಶ್ರೀಮತಿ ಫೆಲ್ಸಿ ಲೋಬೊನ್ ಸ್ವಾಗತ್ ಆನಿ  ಶ್ರೀಮತಿ ಮರ್ಲಿನಾನ್  ಧನ್ಯವಾದ್ ಅರ್ಪಿಲೆ.

ವಿಗಾರ್ ಬಾಪಾನಿಂ ಜೆವ್ಣಾಚೆರ್ ಆಶೀರ್ವಾದ್ ಮಾಗ್ಲೆಂ. ಶ್ರೀಮತಿ ಪ್ರೆಸಿಲ್ಲಾನ್ ಫೋಟೊಗ್ರಫಿ ಒದಗ್ಸುನ್ ಸಹಕಾರ್ ದಿಲೊ.
ಶ್ರೀಮತಿ ಮರ್ಲಿನ್ ಮಸ್ಕರೇನ್ಹಸ್  ಕಾರ್ಯಕ್ರಮಾಚಿ ಪ್ರಾಯೋಜಕ್ ಜಾವ್ನಾಸ್ ಲ್ಲಿ, ತಿಕಾ ಫುಲ್ ಆರ್ಪುನ್  ದೀನ್ವಾಸ್ಲೆಂ. ಡಿಯೋನಾನ್ ಸುಂದರ್ ರಿತಿನ್ ಕಾರ್ಯಾಚೆಂ ನಿರ್ವಹಣ್ ಚಲಯ್ಲೆಂ.
ಫೆಮಿಲಿ ಕೇಟರಿಂಗ್ ಹಾಂಣಿ ಒದಗ್ಸುನ್ ದಿಲ್ಲ್ಯಾ ರುಚಿಕ್  ಜೆವ್ಣಾ ಸಂಗಿಂ  ಶಿಕ್ಷಕಾಂಚೊ ದಿವಸ್ ಸಂಭ್ರಮ್  ಸೊಭಿತ್ ರಿತಿನ್  ಸಂಪ್ಲೊ.

Report by: Felcy Lobo 
Pictures: Simon Pereira